Ngaran Wawangunan

Ngaran wawangunan jaman baheula anu perlu dikanyahokeun.
SAUNG = wawangunan anu teu make bulik , hateupna ku eurih.
SAUNG RANGON = saung di tengah huma paranti tunggu pare ulah ku manuk
SAUNG BUNEN = saung paranti ngurusanan pare di sawah

SAUNG MUNDINNG = saung tempat nyangcang munding
SAUNG PANGASOAN =saung tempat reureuh anu keur nyaba. Biasana loba anu dagang lahang,bubuahan jeung kadaharan.
PALALANGON = tempat nempo ti kajauhan. Kaayaan leuwih jangkung ti saung ranggon. Tempatna oge milih tempat anu luhur sangkan leuwih nenggang.
GARDUH = tempat jaga ari peuting (ronda)
LOS = balandongan anu ngujur jalan, tempat ngariuhan.
KARATAG = balandongan di anu boga hajat
PANGGUNG = tempat pikeun karamean di anu boga hajat
BELEKETEPE = saung basajan saukur pangiuh wungkul. Hateupna oge tina daun kalapa dideppet ku awi, dipake ngemperan. Ayeuna mah anu disebut beleketepe the karatag anu anu basajan ngan saukur make hateup plastic kaayanana demprak. Aya oge anu disebut beleketepe the nya eta bilik didempet, ditunjel ku awi keur ngiuhan (tunggu).
IMAH PANGGUNG = imah bilik anu aya kolongan
PAPAYON = wangunan tambahan tempat niis. Sok disebut papalayon.
GAJAH NYUSU = loteng di imah panggung. Dina gajah nyusu sok aya paparaan disebut saying kaak, tempat neundeun kadaharaan atawa bungbuahan.
SAYANG KAAK = ayeuna anu disebut saying kaak the nya eta tempat bungbuahan di anu kariaan, disadiakeun pikeun anu kondangan.
PANGBEROKAN = tempat ngerem jalma jahat
PANGBELOKAN = tempat nngabelok jalma gelo anu galak
LUMBUNG = tempat nyimpen pare bogana desa (rahayat)
JONGKO = saung tempat dagang
PASANGGRAHAN = tempat ngumpul baraya atawa tempat reureuh
LIO = saung tempat nyieun kenteng